Ungernäme

Aktsiegseuschaft sitem Mai 1996
Gschäftsleitig: Jürg Fross

D Informatik isch üsi Wäut. I däm Bereich erbringe mer hochwärtegi Dienschtleischtige mit klarem Profiu. Mir entwickle Software-Lösige, wo uf individuelli fachlechi u betrieblechi Gegäbeheite zuegschnitte si. Ob kompletti Neuentwicklige oder Ibindige vo chundespezifischer Software i Schtandard-Applikazione – i jedem Fau bietemer e effizienti, zuekunftssicheri Lösig ah.

Flexibilität bewise mer bsungers i dr Zämenarbeit. Dank üsere überschoubare Grössi chöimer rasch u dynamisch agiere und uf öii Wünsch reagiere. Flexibu si aber o üsi Lösige. I dr Regu lö si sech mit gringschtem Ufwand a öii Bedürfniss, wo sech mit dr Zit verändere, apasse.

Bi dr Realisierig vo Informationssyschtem – mitem Isatz vo modernschte relationale Datebanksyschtem – lege mer grosses Gwicht uf effizienti Partnerschafte. So hei mer i verschidenschte Beriche zueverlässegi Kooperatione ufbout: Oracle, Uniface-Entwicklig, Finanzbuechhautig, u Internet-Lösige.

Mir fokussiere üsi Dienschtleischtige genau uf öii individueue Bedürfniss – vo der Entwicklig vo chundespezifische Lösige über Projektmanagement, d Wartig (vor Ort u via Remote Access), d Migration u Dateübernahm, ds Tescht-Management bis zur Betriebssyschtem- oder Datebank-Inschtallation u -Adminischtration.

Mir berate nech umfassend u ungerstütze nech i aune Phase vor Lösigsfindig, Realisierig, Inbetriebnahm, Schuelig u Wartig.